Monday, June 29, 2009

Tiatracher Melltolea Duddvanchi Denngi

Tiatracher Melltolea Duddvanchi Denngi

Goroz asloleank denngi (donation) divn adar korpi khub favtti appunuch zavn fuddem sorun gorib toxench marekar piddent koxttovtoleank duddvanchi mozot ditat. Denngi divpachem ani ek onek torechem kharan mhollear, khubxea dhorman somjikayechea utramni goribank dan divn adar korchem mhunn xikoilam. Deva samkara guneavkari nam urchea khatir, thodde zonn dhamploli mutth sodoll korun dan ditat. Durboleanchea jivitant kosli tori khoxallkay nirman zavnchi mhunn, thoddeanche hat ugte astat. Mother Tereza denngi vixim uloili. “Tuka dukh zav meren di. Ditolean dukho porian dilem zalear tem mat ek unchlem dan zata.”

Punn amchea modim thodde zonn asat te denngi ditanam, apnnachi turturi vazoilea xivai dinant. Igorjek dan ditanam, Aitarachea chodd lok aslolea Misak apnnalem nanv porgott korchem mhunn sangtat. Thodde asat te apnnacho faido polletat. Unchlea mon’xanchi vollok korchea khatir thodde zonn nanv-voste somudhayek duddvanchem yogdan ditat. Punn bhov thodde asat je, uzvea hatant ditanam dhavea hatak koloinant. Tujem dan gupit zaunk zai, ani guptim kelelem polleta to tuzo Bap tuka mozuri ditolo. Mt. 6:4.

Zaite favtti ken’na-ken’na charity vixim Gõychea potrancher ail’leo khobro ami vachtat. Kaim zonn fuddem sorun sonkoxtank sampoddloleank adar divnchea khatir kosli na tor kosli khariovolli ghoddun haddun, charity vo adar korche khatir vavurtat. Lokanchea ghor-ghoramni vochun, oddchonink sampoddloleanchi poristhiti uktaitat. Thoddeank tor full-paklli divchi khuxi nasta punn, xezareanche lojek lagon ditat. Akhantak sampoddloleache churchure chintun thodde zonn ugtea monan ditat. Khariavoll ghoddun haddtat tea disa, denngi ditoleanchi nanvam machier vachttat. Apnnalem nanv mattov-bhor loka hujir, tea disa vachlem mhunn, dan ditole pottbhor khuxi zatat. Uprant ektthailole duddu favo tea zagear vhetat vo nam hem mat konnank poddunk nam.

Kuveittantui zaitea zonnamni hanga-thoim (Gõyant) denngi pattovchea khatir tiatr vo her khariavolli ghoddun haddleat. Thoddde tiatr-karbhareamni tiatr vo songit-nach-gitachea hat potrar, (flyers) konnachea tori adara khatir khariavoll ghoddun haddtat mhunn jahir kollovnni keleat, punn; thodde asat te, koslich kollovnni dinastana tiatracher vo her khariovollicher faido zata to, Gõyant aslolea durboll iskolank ani sonsthank pavtti kortat. Oslea udhar kallzachea mon’xanchi tust khorta titli thoddi zait.

Gõycho ak’khoch tiatr pongodd Kuveittan haddop ek unnem mollachem kam’ nhi. Khubuch barik-motto khorch zata to, khaxelea tiatr-karbhareank kollta. Thodde tiatr karbhari faideachem chintun ani tiatracho khorch bagounk, ek bara-solla panacho tiatr souvenir toyar kortat zalear, thodde zonn umedichea kama khatir ani tiatr-kolakaram thaim ixttagottichem natem aslolean, luksonanchem vozem chintinastana Kuveittchea Konknni rong-machier tiatr dakhoitat. Ani oslech, Kuveittche teg umedivontt tiatr mogi ixtt, apnnalea bollsak kitli meren kator lagtoli ti pollenastana, gelea segit don vorsam 2008/2009 eka famad vinodi digdorspi ixttache don POLISH tiatr (nanv bodollam) Kuveittche Konknni machier dakhoileat.

Gelea vorsak POLISH tiatracher, kitli yennavoll (income) bhitor sorlea ani kitlo khorch zala tea vixim hixeob korunk, tegui tiatr-karbhari-ixtt sangatak bosle. Tiatracho souvenir nastona Bharoti duddvam hixeoban sumar 40 hozar rupia POLISH tiatracher faido zalolo. Kaidea pormonnem, tegui tiatr-karbhareanim te duddu vattun ghevnche asle. Punn tannim toxem kelem nam. Khoim tori ek bori kornni korchea khatir, tegainchi doyeal kallzam ugtovlim. Ani te duddu tannim, Gõyant aslolea tin ghorib sonsthank pattoun dile.

Hanv mhonnonk sodinam soglleamni voilea tiatr-karbhari-ixttam bhaxen zavnchem. NAM! Ho mhozo borovpacho hetu nhoi. Vavrachi mozuri mellonkuch zai. Voir eke kodden sanglam te toren. Ek Gõycho tiatr-pongodd Kuveittan haddtolo zalear, tiatr-karbhareanim khub addkhollink fuddo korcho poddta. Tiatracher bhorpur faido asa, hem lokache chintop mat chukichem. Choddxe ixttagottik poilo voilo zago divn Kuveittche tiatr-karbhari Gõyche tiatr pongodd Kuveittan haddtat. Hem mat sot. Punn mhaka ekuch prons sotaita. Kuviettan Charity show tiatr zatale teddnam, tiatracho vosro bhorun ott’talo. Punn atam zatolea vhodd digdorspeanchea tiatrak kitlo lok hajir asta? Mojea guspollolea monank xantt korpak, konnui asa kai?

Lino B. Dourado
Kuwait/Utorda-Goa

28/6/2009

KONKANI TIATR 'SOGLIM KHUXEAL' IN BAHRAIN

KONKANI TIATR 'SOGLIM KHUXEAL' IN BAHRAIN
http://younggoansclubbahrain.blogspot.com/




The social group Bahrain Goans in association with The Folk Theatre are flying in a group of 11 Konkani stage artistes from Goa. The group will present a Konkani musical drama under the direction of Goa’s trendy Comedian Janet and her husband Filipe Almeida. The show titled ‘Soglim Khuxeal’ meaning ‘Happiness to All’ will be staged at the Baan Saeng Thai Restaurant Auditorium in Adliya at 8 p.m on July 9th, 2009.


The show just released in Goa is scheduled to perform in Dubai, Kuwait and in the U.K. as well.



Comedian Janet who has acted for topmost Konkani stage directors is the most sort comedian of late and has several Konkani video films to her credit.

Among the topmost actors accompanying the group is C.D.Silva, known as ‘the man of thousand faces’ for his variety of character roles in Konkani dramas. Shruthi, the child artiste who captured the hearts of the audience during her last visit to Bahrain is once again playing the main role in this drama. The other well known actors in the group are Comedian Ambe, Pascoal Rodrigues, Marcus, Tari, Aldair and Tony de Ribandar. Lenoy Gomendes has directed the musical scores.

Tickets for the show priced at BD: 5, 4 and 3 are now available at World Greetings and Young Goans Club in Manama. For details contact the organisers on 39083239/39672776 or 39251103

- As forwarded to www.goa-world.com by G.R. Crasto.
http://younggoansclubbahrain.blogspot.com/

'Kal, Aiz ani Faleam'

'Kal, Aiz ani Faleam'
cheddvachea jinnecher bhor ghalta


Eka cheddvachea jivitak tin bhag asat. Kal ek ankvar cheddum koxem, aiz ek avoy koxi ani faleam ek sasumaim koxi. Ek ankvar cheddum koxem bore rit-dekhin tem vaddlem zalear ek bori avoy ani tea uprant ek bori sasumaim zavnk bhag melltolem mhonn Mario Menezes aplea 'Kal, Aiz ani Faleam' hea tiatrant dakoll korta.

Aple zannte avoyk azilant ghalun, Tanya (Agnes) aple avoychea (Sabina) ghora pennem korta. Ticho ghorkar Rio (Mario Menezes) aple ghorkarnichi ani ektteach putachi antrea-poirean khobor ghevnk yeta. Teach gharant Tanyacho bhav Tyron (Lawry Travasso) aple potini Nisha (Rosy Alvares) ani dhuve Riomak (Rioma)sangata ghevn, ekvottan jiyetat.

Aple suniek, Nishak cheddum zolmolam ani aple dhuvek Tanyak put zolmola dekun avoy bhorpur vegllochar dakoita. Nishak ani tache dhuvek Riomak kikont korun, tancher naka zal'lim boglanttam thapun, Tyron-achi avoy tankam pois dovorta. Aple ekttech dhuvek Tanyak ani tichea putak soglo mog-moipas divnk ti fattim sorona. Nisha aplea payancho kochro mhonn somzun, tika soglo ghorcho vavr korunk tachi sasumaim formaita. Tanya-i tachi beporva korta.

Tyronacho bhav (comedian Sally) logn zavnk fuddem sorta tednam, sun (comedian Janet) gharant kitlem dot-dennem haddtolem, tache vixim tachi avoy tache lagim sodpus korta. Logn zatoch gharant ailoli sun poderachea kuttumbachi mhonn kolltoch, tachi sasumaim dukhi zata.

Sasumaim aplea mathear bosche poilinch, gharant ailoli novi sun tika nittayer ghalun, tika tichi suvat dakoita. Nishak-ui tichi gulam’ zaina zavnk ti taka xiddkaita.
Tanya guptim anik konnacho mog korta mhonn tachea bhavak Tyron-ak kollun yeta. Punn aplo gupit mog Tyronak ugddapo korunk tem koxench kobul na. Tuji bhoinn tosle bhan’goddent poddchi na mhonn sangun, Tanyachi avoy aple dhuvek tenko dita. Ek dis Tanyacho mogi Karim (Philipe Almeida) tachea ghara yeta tednam, Tyronache nodrek sot uzvaddak yeta. Ek dis bagint Tanya ani Karim-achi bhett zata tednam, aple bhoinnichi vatt soddunk Tyron Karimak dhomki dita.

Ek dis okosmat Tyronache avoyk kallzacho atak yeta. Gharant konnuch asona fokot tachi nat Rioma. Tea vellar aplea bapaik toxench ambulance-ak fon korun, Rioma aple sasumaink adar korta. Kallzachem operesanv korunk don lakh poddtole mhonn voiz sangta tednam, Tanya aplea putak sangata ghevn, aplea ghovager vochunk toyar zata.

Tea vellar, dhaktti sun aple sasumainchea adarak pavta. Ilaz ghevn, ghara yetoch, avoyche dolle ugoddtat. Tanya aplea ghorkarak ani putak ghevn, avoyche khobrek yeta tednam, aple dhuvecho nhoi punn odik promannan aplea putancho, sunancho ani tanchea kuttumbacho apnnem odik mog korunk goroz mhonn tika kollun yeta.

Kantaram babtint, Xavier Gomes-an gailolem 'Vat' kantar boro sondex ditalem. Marcus Vaz ani Xavier Gomes-achem duet 'Adlim Festam,' Agnes ani Rosy Alvares-anchem 'Nhesop,' Francis de Tuem-Xavier Gomes-Marcus Vaz-achem trio 'Kid-Young-Rod' aikopa sarkim aslim.
-P Agxekar

(V-Ixtt)